HomeHome  البوابةالبوابة  CalendarCalendar  GalleryGallery  MemberlistMemberlist  UsergroupsUsergroups  RegisterRegister  Log inLog in  

Share | 
 

 قصيده انسحبوووا للشاعر/هشام الجخ

View previous topic View next topic Go down 
AuthorMessage
????
Guest



PostSubject: قصيده انسحبوووا للشاعر/هشام الجخ    Fri Mar 04, 2011 8:20 pm

سنة 67 صدرت الأوامر للقوات المسلحة بالإنسحاب

بدون خطة إنسحاب

فقط إنسحبوا !



إنحسبوووووا

كان اللاسلكي بعيد

والعسكري مسمعش

إنسحبوووووا

شوفوا العجب يا ولاد

العسكري مرجعش

إنسحبوووووا

أطرش ده ولا صنم

إرجع يا جندي بيادة


دخل العدو العريش إرجع خلاص بزيادة

العسكري سامع

لكنه واد مجدع


شال آربيجيهه وضحك " إشمعنى أنا اللي أرجع "

وقف الزمن مذهول ساعتين بيشاهد

الجندي قام كبر المدفع إتشاهد

الدبابات ظهرت " إرجع يا جندي نظام "

ده كان كلام القيادة وده بردو وقت كلام


وقف الولد ددبان

يا سادة يا سامعين

صادهم كما الدبان

محروس يا واد من العين

الدبابات صفين

إتفاجأوا وإفترقوا

على كتفه كان مدفع

وعلى الجبين عرقه

غطى العفار النار

ولا حد عاد شايف

والدبابات بتهل

وده بردو مش خايف

الضحكة على وشه

ما تقولش بيصيف

ولسه الزمن واقف

مبسوط ومتكيف

الدبابات كترت

والكترة غلابة

والقلب لو مؤمن

ولا ألف دبابة

هتقولوا مات الولد

أنا أقولكم لا .. عاش

ما الجنة ولا فيها موت


ولا تتدخل .. ببلاش
Back to top Go down
 
قصيده انسحبوووا للشاعر/هشام الجخ
View previous topic View next topic Back to top 
Page 1 of 1

Permissions in this forum:You cannot reply to topics in this forum
 :: الادب والشعر ( Literature and poetry ) :: الشعر العربى Arabic poetry-
Jump to: